PRAIA E PARQUE MULTIAVENTURA DO RÍO COROÑO.

#DÍA6de10

Boiro. Mércores 10 de Xullo. 30º.

Fuximos do campa e imos pasar o día á praia para compensar as altas temperaturas.

Enfundamos chaleco reflectante, cantimplora chea, pucha e kilos e kilos de protección solar. A ruta son casi 3km que realizamos en tempo record, coreando cánticos campamentiles que amenizan a nosa saída e o paseo dos viandantes.

Na praia, facémonos co mellor sitio como si fosemos guiris reservando praza coa sombrilla en plena tempada alta en Benidorm. Zona de sombra e céspede baixo as árbores e zona de sol na area para quen queira levar de Boiro, a parte dos bos recordos, un bon bronceado.

Comemos na sombra e de postre mercamos chuches e xeados, e pasamos a tarde no parque multiaventura do río Coroño.

Chegada a noite, visitounos o Gran Circo de Candilexas, non faltaba ninguén, a bailarina, o forzudo, a muller barbuda, o domador... pero de súpeto, en plena actuación, aconteceu un terrible crime. A bailarina foi asasinada! Os nosos acampados e acampadas participaron na investigación do caso, como si do xogo do CLUEDO se tratara. Tiveron que adiviñar quen era o asasino, con que arma a matara, en que lugar e porque o fixo. Convertíronse en auténticos detectives interrogando aos integrantes do circo e realizando complicadas pescudas ata dar coa solución!